"ოცნებისა" და კრემლის იდენტური გზავნილები რუსულ კანონზე

რუსული კანონის ინიციირებიდან მალევე ოლიგარქის გუნდმა კრემლიდან საჯარო ინსტრუქციაც მიიღო. ოცნებისა და მოსკოვის რიტორიკა სრულ თანხვედრაშია. კრემლის მტკიცებით, რუსული კანონი რუსული არ არის და საჭიროა, ხელისუფლებამ ოპონენტებს ინიციატივა კარგად აუხსნას. რჩევები რუსეთიდან ოცნებას უხერხულობას არ უქმნის. ამ დროს ოლიგარქის პარტიის სამიზნე ხელისუფლებისგან დამოუკიდებელი ორგანიზაციები და საერთაშორისო დონორები არიან.